പിന്നീടിങ്ങോട്ട് സ്വതന്ത്ര ഭാരതത്തിലെ കാക്കിയിട്ട കാലന്മാര് നടത്തിയ നരനയാട്ടുകള്ക്ക് കണക്കുകളുണ്ടോ?സോഹരബുദ്ദീന് , കൌസര് ബി ,ഇഷ് റത്ത് ജഹാന് ,ജാവേദ് ഷെയ്ഖ് ,അംജാദ് അലി , സീശാന്ജോഹാര് ഇവരെല്ലാം വ്യാജ ഏറ്റുമുട്ടലുകളില്
കൊല്ലപ്പെട്ട നിരപരാധികള് . ഇനിയും ചുരുളഴിയാത്ത ഒരായിരം ഏറ്റുമുട്ടല് നാടകങ്ങള് കാലത്തിന്റെ കുത്തൊഴുക്കില് ആരാച്ചാരുടെ കുറ്റ സമ്മതങ്ങളായി നമ്മളെ തേടിയെത്തും ,കൂട്ടത്തോടെ കബന്ധങ്ങള് കുഴിച്ചു മൂടിയ കാശ്മീരിലെ ശവക്കുഴികളില് ഇല്ലാതായത് എത്ര എത്ര തലമുറകള് !!!
ആര്ക്കു വേണ്ടി നടപ്പിലാക്കി ഈ അജണ്ടകള് ,എന്തിനു വേണ്ടി കൊന്നൊടുക്കി ഈ നിരപരാധികളെ ? സാമ്രാജ്യത്വം തുറന്നു വിട്ട ഇല്ലാത്ത ശത്രുവായ തീവ്രവാദികള് എന്ന ഭൂതങ്ങളെ അധികാരം അടിച്ചുറപ്പിക്കാന് ഇന്ത്യയിലും ഉപയോഗിക്കപ്പെട്ടുഎന്നതാണ് സത്യം, യഥാര്ത്ഥ ശത്രുവിനെ തിരിച്ചറിഞ്ഞിട്ടും നമ്മള് എല്ലായിപ്പോഴും നിഴല് യുദ്ധങ്ങള് നടത്തി നിരപരാധികളെ കൊന്നൊടുക്കി സാമ്രാജ്യത്വ പ്രീതിക്ക് വേണ്ടി ഒച്ചാനിച്ചു നിന്നു .
അനുകൂല സാഹചര്യങ്ങളില് നിന്ന് അറിയാതെ പിറവിയെടുക്കുന്ന നേതാക്കള് -തിരശീലക്കു പിന്നിലെ ചരട് വലിക്കാരുടെ ഇംഗിത്തിനനുസരിച്ച് ആടുന്ന വെറും പാവകള് മാത്രം ,അവരില് നിന്നും ഒരു യഥാര്ത്ഥ ജന നേതാവിലേക്ക് ഇനിയും എത്ര ദൂരം ?
No comments:
Post a Comment